Central Thalai OB leh Golden Jubilee Organizing Committee ten 2026 Conference hmanna tur Thenzawl Bial an tlawh

August ni 2 -3 2025 chhung khan Central Thalai OB leh Golden Jubilee Organizing Committee ten 2026 Conference hmanna tur Thenzawl Bial an tlawha, mi 7 an kal a ni. OB te hian Thenzawl Bial chhunga Kohhran pali - Kanan, Salem, Thenzawl leh Lungrangah te inkhawmna hun an hmanga, Tv. C Lalnundika, AGS, Pu C Lalrinchhana, Treasurer, Upa H. Lalhratthanga, Leader, T.Upa Dr. B. Malsawmkima, GS ten a indawtin Pathian thusawina hun an hmang zel a ni.

    He hun hman pah hian Conference cum Golden Jubilee thlengtu tur Thenzawl Bial Organising Committee tenen Meeting neih nghal a ni a, Central Thalai-in Conference thleng tu tur tanpuina a pek thin rs 50,000 bakah Central Thalai Organizing committee pawhin thingpui ruai siamna turin rs 50,000 an hlan nghal a ni.

    2026 General Conference hi AEC chuan Lungpawl khuaah neih turin a rela, rem chanlohna avangin Puilo khuaah nghah a ni leh a, Puilo khua pawh a rem loh avangin AEC chuan a vawi khatnan Bial kutah hlanin, Thenzawl Bial chuan Bial huapin a thleng dawn ta a ni. Hun tlem tawh tak - 2025 May -ah AEC hian Conference thleng turin Thenzawl Bial a ruat tak avangin Central Thalai pawhin tum danga Conference thlengtu tanpuina pek thin rs 30,000 chu rs 50,000 -ah a tidanglam ta a ni.

Bialpui, Bial Thalai bakah Bialtu Pastor Rev. VK Thangzasiama leh Pro. Pastor R. Lalrintluanga ten inkhawmnaah an tawiawm thina, Lungrang Branch Thalai tenen inkawmhona te an nei nghal bawk. Hruaitute hian hun hlimawm tak an hmang a ni.