Isua Krista Kohhran - News

 Vawiin ni 9, January 2026(Zirtawpni) chawhma dar 11:00 khan Isua Krista Kohhran Ṭhalai chuan an din champha vawi 50-na Golden Jubilee Lung an phun.   Central Ṭhalai Golden Jubilee lungphun hawnna inkhawm hi Leader Upa H. Lalhratthangan a kaihruaia, Assembly Chairman Rev. C Laldingliana’n a hawng a ni. Lungphun hawnnaah Bialtu Pastor te,  wing leh committee peng hruaitu hrang hrang te an tel kim hle.  Isu Krista Kohhran Ṭhalai te hian kum tin an din cham pual hian vantlang tana thil ṭha  tih ni(Social work day) a tan an hmang thin a ni.

 Vawiin Ni 5, January 2026(Thawhṭanni) khan Isua Krista Kohhran, General Headquarters Office Upper Republic chu kum 2026 atan hawn a ni.     Office hawnna inkhawm hi Assembly Chairman Rev. C Laldingliana’n a kaihruaia, Assembly Financial Secretary Upa H. Lalthanpuia’n hawnna hun a hmanga, office staff te fuihna leh duhsakna thu a sawi a ni.    Office hawnna inkhawm hi Bialtu Pastor Rev. Lalnghaksanga, Rev. Jerome Lalbiakdika leh Assembly OB bakah Wing hrang hrang OB ten an tel pui a , tawngtai rualna nen hun hman a ni.