Isua Krista Kohhran - News

August ni 2 -3 2025 chhung khan Central Thalai OB leh Golden Jubilee Organizing Committee ten 2026 Conference hmanna tur Thenzawl Bial an tlawha, mi 7 an kal a ni. OB te hian Thenzawl Bial chhunga Kohhran pali - Kanan, Salem, Thenzawl leh Lungrangah te inkhawmna hun an hmanga, Tv. C Lalnundika, AGS, Pu C Lalrinchhana, Treasurer, Upa H. Lalhratthanga, Leader, T.Upa Dr. B. Malsawmkima, GS ten a indawtin Pathian thusawina hun an hmang zel a ni.     He hun hman pah hian Conference cum Golden Jubilee thlengtu tur Thenzawl Bial Organising Committee tenen Meeting neih nghal a ni a, Central Thalai-in Conference thleng tu tur tanpuina a pek thin rs 50,000 bakah Central Thalai Organizing committee pawhin thingpui ruai siamna turin rs 50,000 an hlan nghal a ni.     2026 General Conference hi AEC chuan Lungpawl khuaah neih turin a rela, rem chanlohna avangin Puilo khuaah nghah a ni leh a, Puilo khua pawh a rem loh avangin AEC chuan a vawi khatnan Bial kutah hlanin, Thenzawl Bial...

           June ni 28 atanga ni 30 khan  Assembly Mission Committee chuan Mission Campaign neiin Champhai Kohhran an tlawha, Zoteah Inkhawmna hun an hmang thei bawk a ni. He hunah hian Assembly Mission Committee Chairman Upa Lalrinmawia Ralte leh Memeber Upa Vanlalliana, Upa H. Lalrammawia te bakah Office Driver Upa K. Vanlalpeka te an ni a, an zavaiin thusawina hun an hmanga, boruak tha leh nuam tak an hmang ho  a ni. 

  Ni 13, June 202 (Zirtawpni) zan khan Kohhran chanchin Documentary Film siamtur Committee te chuan meeting an neia, Documentary film innghahna tur Kohhran chanchin lo ziak tur leh Script ziak tur te an ruat fela. Documentary film hi july thla tawp lam aṭangin chan chhoh an tum a, nakkum Golden Jubilee & Conference hunah release tura ruahman a ni. #cikkṭ #documentaryfilm

  Ni, 13 June 2025(Zirtawp) zan khan Armed Veng South Kohhran Hall-ah tun term chhunga Central Executive Committee (CEC) meeting hmasa ber neih a ni. Thurel tlangpui : 1. Conference Hla bu (normal/spiral) siam tur a ni ang. 2. CEC member ten Bial insemin an vil ang 3. 2026 Conference & Golden Jubilee thlengtu turin AEC-in Thenzawl Bial a ruat tlawh leh ṭanpui dan tur. #cikkṭ #cecmeeting

 Ni 12, June 2025(Ningani) khan Central Hmeichhe Golden Jubilee Souvenir (TOPAZ) chu Kohhran Office Secretary Upa C. Biakhmingliana room-ah Assembly Vice Chairman Rev. C. Laldingliana, Central Hmeichhe Adviser nibawk chuan chuan a tlangzarh. Souvenir Joint Editor Upa C. Biakhmingliana chuan souvenir thlirlawkna a nei a, mi dang kal ve te pawhin thu an sawi.      Aizawl Bualtu Pastor Rev. V. Lalnghaksanga leh Pro. Pastor Jerome Lalbiakdika ten bakah Aseembly puipate leh Office staff te an tel tha hle. 

  Ni 29, May 2025(Ningani zan) khan Career Guidance & Counselling Sub-committee hmalaknain "Kohhran Ṭhalai te leh Intodelh" tih thupui sawiho a ni. Video ho Youtube Channel lamah en turin a awm thuai ang. Hun hmangtute: Moderator: C. LALNUNDIKA, Chairman CG&C. AGS CIKKṬ (Phd Scholar, Mizoram University) Panelist : 1. T.UPA Dr. B MALSAWMKIMA, GS CIKKṬ (Scientific Officer, Mizoram State Biodiversity Board) 2. T.UPA Er. H. LALBIAKHLUA, member CG&C (Asst.Engineer, PHE, & SDO(TC) Rural Watsan Division 3. C. LALRAMNGAIHA, Member CG&C (Dean, NIOS & Instructor ABACUS) 4. LALINPUIA, Secretary CG&C (Owner TAFD Academy & Mizoram Taekwondo Coach) #CIKKṬ #CareerGuidance &Counselling

Upa Rokunga, Thenzawl, Chhim Division Treasurer nilai chu hun eng emaw chen aṭangin Damloin Damdawiinah a la awm meka. Central Ṭhalai Chhiatni/Ṭhatni dan hmangin Rs 3000/- in ṭanpui a ni a, Pu Lalrohlua Hrahsel, CIKKṬ Fin.secretary-in ṭanpuina hi a hlan a ni. Pathian malsawmna dawngin damna leh hriselna nei leh vat turin CIKKṬ chuan Upa Rokunga duhsakna kan hlan e. #cikkṭ #damlokanna

N i 9, May 2025(Zirtawp ni) khan Central Thalai Office Bearer's Meeting (2025-28) vawii 2-na tluang takin zawh a ni. CCC-in a hlan chhawn angin Meeting hian Central Thalai puala Ram lei chungchang te, Kohhran chanchin Documentary siam chungchang te hmalak dan tur a rel. Meeting hi Upa B. Zahmuaka(L) te in Khatla East, Aizawlah neih a ni a, In neitu ten chawhlui an lo buatsaih sak a ni. #CIKKT #OBmeeting

  Thalai Eng Editorial Board (2025-2028) Meeting hmasa ber @Republic ITI Kohhran Hall

  Golden Jubilee Organising Committee chuan Assembly Chairman Office, Jubilee Building-ah meeting an nei.

  Career Guidance & Counselling Sub - Committee (2025-2028) chu Republic ITI Kohhran Hall-ah an meeting.

CCC Meeting a ni Ni 10, April 2025(Ningani) khan Central Thalai Rorelna sang ber dawttu, Central Co-ordination Committee(CCC) Meeting vawii 55-na chu nilengin kum 2025-2028 term-a a hmasa ber turin Republic ITI Kohhran Hall-ah tluang taka neih a ni. CCC-ah hian Rorel Inkhawmpuia thurel tawh te bawhzui dan tur ngaihtuah a ni a, Republic ITI Branch ten CCC meeting hi chawhlui tui tak an lo buatsaih sak bawk a ni. #cikkt #cccmeeting

 Ni 12, March 2025(Nilaini) khan Central Hmeichhe Golden Jubilee Lungphun chu Executive Secretary Rev C. Sapchhawn Ngura'n a hawng. He programme hi Central Hmeichhe Chairman Pi KV. Lianthangpuii'n a kaihruaia, Central Hmeichhe Hruaitu hlui te bakah CEC member leh Assembly puipaten an hman pui a ni.